Anna Björg

Það var annasöm helgi hjá börnunum. Jón Hlöðver tók þátt í frjálsíþróttamóti og Anna Björg og hann spiluðu á stórtónleikum hjá Skólahljómsveit Kópavogs

Meistaramót Íslands í frjálsum íþróttum fyrir krakka 12-14 ára var um helgina í Laugardalshöll. Jón Hlöðver bætti sig bæði í kúluvarpi og 60 metra spretti en náði sér ekki á strik í langstökkinu.

Breiðablik stóð sig mjög vel ekki síst Naglarnir þ.e. 12 ára strákarnir sem voru að keppa á sínu fyrsta meistaramóti og unnu bikar í sínum aldursflokki. Árangurinn má sjá hér

Ásta Soffía keppti fyrir HSÞ og stóð sig mjög vel. Við fengum að njóta hennar nærveru því að hún valdi að dvelja í Blikahjallanum í stað þess að fylgja hópnum sínum.

Á sunnudag voru árlegir tónleikar hjá Skólahljómsveitinni í Háskólabíói.

Þetta voru frábærir tónleikar fyrir nær fullum sal af fólki.