Ásta Soffía

 

Ástu Soffíu fannst vera orðið allt of langt síðan hún komst í sveitina og því skruppum við feðgin seinnipartinn í dag, sunnudag.

 

 

Sóttum við vel að bændum, voru þau værðarleg á sunnudegi eftir mikinn menningarviðburð í gærkvöldi, vorfagnað karlakórsins Hreims.  Móðir var hress að geta veitt kaffi í sínu eldhúsi, að sínum hætti.

 

 

 

Autt er yfir að líta í sveitinni, en þó enn fannir í skurðum.  Hætt er við að þónokkuð frost sé í jörðu eftir frosthörkur fyrr í vetur á snjólitla jörð.

 

 

 

 

Ásta Soffía var kát að komast í sveitagallann og í kvöldverk ..

 

 

 

 

og fá svo vel í magann hjá húsfreyju á eftir.

ÞBH