Nokkuð hefur verið unnið í jarðrækt síðustu daga. Kornakrar hafa verið plægðir upp enda ekki seinna vænna að sá. Þá hefur einnig verið grafið upp úr skurðum og gömul kálstykki plægð upp og tætt. Nýr plógur var keyptur á síðasta hausti og þykir mikil bylting. Ég (JBH) fékk að prófa græjuna og erum við feðgin einróma um að afköstin séu rosaleg.

 Húsbóndinn er einnig alsæll með að draga aftur fram Dýrið eftir vetrardvala eftir að hafa hossast á gömlu Massey Ferguson vélinni í vetur og líkir því að setjast í hægindastól að vera aftur kominn á kreik á John Deernum.

Svo við mikla ánægju húsfreyjunnar var kartöflugarðurinn tættur.

JBH