Gangnadagurinn í Víkum var einn besti dagur sumarsins, sól og hátt í 20° hiti.

Gangnamenn telja að tekist hafi að ná öllu fé  heim nema einni sem varð eftir í Skálavík.  Eftir eltingaleik stakk hún sér frekar í sjóinn en að láta reka sig til byggða.

Eltingaleikur varð við fleiri sem greinilega vildu vera lengur í sumarparadísinni. Að öðru leyti gekk smalamennskan nokkuð vel þótt menn væru sveittir og þreyttir þegar komið var til byggða 

Féð var rekið í aðhaldið við Purkárbrú og sótt morguninn eftir og rekið heim í Björg.

Vitað er um nokkrar kindur í Litlufjörutorfu sem eftir er að ná heim

 

 

Gangnamenn og aðstoðarfólk: 

Erlingur, Hörður, Jón Hlöðver, Ásta Soffía, Friðrik Ari, Þóra Magnea, Snorri, Nils Bjartur, Eiður, Ingólfur Páll, Hilmar, Þórólfur, Gunnar, Hlöðver Pétur, Alex og Remy (frá Nýju-Kaledóníu)

 

       

  

  

 

 

 

Snati fékk að fara með í "starfskynningu". Hann var ekki sérlega ánægður með að þurfa að hýrast upp á palli allan tímann og vældi mikið.

Hann er efnilegur smalahundur og kemur áreiðanlega að góðum notum að ári.

 

   Fleiri myndir frá göngum má sjá hér

   SBH