Hlöðver og Konný

Loks tókst að ljúka kornskurði! Ekki tjáði að bíða þess að snjóa leysti á láglendi heldur var akurinn þresktur meðan enn var snjóföl.

Fréttir eru reyndar oft lengi að berast að norðan þannig að þegar þessi frétt er skrifuð er orðið ansi langt um liðið síðan þreskingu lauk.

Uppskera var með ágætum þótt sumarið hefði verið með eindæmum votviðrasamt.

Þann 29. september síðastliðinn var farið í aðrar göngur út í Víkur. Þóra Magnea, Tommi, Nils Bjartur og Kristján í Árlandi skipuðu vaskan hóp sem sótti þangað 14 kindur. Hlöðver og Örvar stóðu á meðan vörð í Bjargarkróknum og vísuðu gangnamönnum til vegar (svokölluð gangnaafskiptasemi).

  

Vel gekk að koma fé heim, enda hafði verið kalt í veðri og féð sjálfsagt fegið að komast niður á tún.

 

Kornskurður 2009 er hafinn. Núna er búið að þreskja í Garði og er uppskeran með ágætum.

Uppskeran er ívíð meira en í fyrra en þroskastigið er ekki alveg jafnmikið. Veðrið hefur ekki alveg leikið við kornbændur þessa daganna en snjór er kominn langt niður Ógöngufjall og snjóaði á láglendi í Reykjadal.
Nú er bara að bíða eftir að það hláni inn í dal svo hægt sé að klára!

 

 

Tilraun á tengslum við gagnagrunninn...T

 

Um leið og Björgum.is óskar öllum gleðilegra jóla og góðs árs þá er við hæfi að hefja fréttaárið með háskatíðindum sem skuku Bjargarbúa við upphaf ársins. 

Þegar Bjargarbúar vöknuðu á nýársdag þá voru hestarnir horfnir. Þeir höfðu fælst við flugeldaskarkalann.

Fyrstu lömbin fæddust í morgun, annað svart og hitt hvítt.

Sauðburður er hafinn!!

Myndir síðar.

Ég rakst á ansi skemmtilega frétt á vísi.is í gærkvöldi. Þar var hann Óttar frá Akureyri sem fyrir nokkrum árum seldi okkur eldgamlan grænan LandRover. En svo mikið hafði hann saknað bílsins að fyrir nokkru kom hann bónarleið með annan rover og baðst þess græna aftur.

En í fréttinni kom fram að hann telur sig vera fyrsta íslendinginn sem notar jurtaolíu á bílinn sinn.