Hlöðver og Konný

 

Um helgina hittust í þriðja sinn afkomendur Bjargar Grímhildar Sigurðardóttur og bræðranna Hlöðvers og Sigurbjörns Jónssona ásamt tengdafólki til að styrkja fjölskylduböndin og hafa gaman saman.

 

Þetta var fjölmennasta mótið til þessa eða 83 manns mættir. Allt tókst með ágætum þrátt fyrir súldarveður með köflum og minni hlýindi en vonast hafði verið eftir.

 

Nýtt í fjósi! Skágrindur voru settar upp á átsvæði kúnna til að koma í veg fyrir slæðing.

Þá hefur smákálfastía verið endurbætt í vetur þannig að smákálfar hafi betra aðgengi að kjarnfóðri og nú saltsteini

Loks tókst að ljúka kornskurði! Ekki tjáði að bíða þess að snjóa leysti á láglendi heldur var akurinn þresktur meðan enn var snjóföl.

Fréttir eru reyndar oft lengi að berast að norðan þannig að þegar þessi frétt er skrifuð er orðið ansi langt um liðið síðan þreskingu lauk.

Uppskera var með ágætum þótt sumarið hefði verið með eindæmum votviðrasamt.

Þann 29. september síðastliðinn var farið í aðrar göngur út í Víkur. Þóra Magnea, Tommi, Nils Bjartur og Kristján í Árlandi skipuðu vaskan hóp sem sótti þangað 14 kindur. Hlöðver og Örvar stóðu á meðan vörð í Bjargarkróknum og vísuðu gangnamönnum til vegar (svokölluð gangnaafskiptasemi).

  

Vel gekk að koma fé heim, enda hafði verið kalt í veðri og féð sjálfsagt fegið að komast niður á tún.

 

Kornskurður 2009 er hafinn. Núna er búið að þreskja í Garði og er uppskeran með ágætum.

Uppskeran er ívíð meira en í fyrra en þroskastigið er ekki alveg jafnmikið. Veðrið hefur ekki alveg leikið við kornbændur þessa daganna en snjór er kominn langt niður Ógöngufjall og snjóaði á láglendi í Reykjadal.
Nú er bara að bíða eftir að það hláni inn í dal svo hægt sé að klára!

 

 

Tilraun á tengslum við gagnagrunninn...T

 

Um leið og Björgum.is óskar öllum gleðilegra jóla og góðs árs þá er við hæfi að hefja fréttaárið með háskatíðindum sem skuku Bjargarbúa við upphaf ársins. 

Þegar Bjargarbúar vöknuðu á nýársdag þá voru hestarnir horfnir. Þeir höfðu fælst við flugeldaskarkalann.